~~قصـــــيــــــــده؛؛عـــــــن؛؛الاب~~تــــــبـــــــــكــــــــــــي~~~

يابوي ليه تبكي
كل ماشافتك
وعينك لي,,
تخاف اموت يابوي
وقبل الموت تبكيني,,
تكفى يابوي لاتبكي
وانا موجود معك وحي,,
اجل بعد الرحيل
اشلون في قبري
توطيني,,

يابوي لو تموت
الناس ماتسوى
دموعك ذي,,
وانا يابوي ميت
قبل اموت وانت محييني,,

قسم بالله يابوي
لجل عينك شربت
الغي,,
جرعت الهم
والحرمان وبحر الويل
يسقيني,,

تحملت السنين
اللي طوتني في
عذابي طي,,
وصار الجمر بكفوفي
وتحت اقدام رجليني,,

يابوي ماعلى عمري
حسافه ولابقا بي
شيء,,
ولكن بطلبك يابوي
تكفى لاتخليني,,

يابوي مابي غيرك
يغسل جثتي بالمي,,
وتكفى قبل لااتكفن
يابوي فك لي عيني,,

بأمر الله يمكن ألمحك
وارحل في عيني ضي,,
وودع وجهك الطاهر
مع دنياي وسنيني,,
وخل الناس تحملني
وترفع راسي ورجلي,,
وتأخذني على قبري
وتكسب اجرها فيني,,

واذا جيت القبر يابوي
نزلني شوي شوي,,
ووجهني لبيت الله
وقبلة المصليني,,

وحط الطين وادفني
وعز اللي يعزي في,,
ثلاث ايام يابوي
يواسيك المعزيني,,

ورابع يوم يابوي
تذكر ضحكتي وعني,,
تذكر وش كنت اقول
يوم انك تناديني,,
تذكر يوم كنت انام
في ظل النخل والفي,,
تجي يمي تصب الماء
على وجهي وتصحيني,,

تذكر جرة الموال
وصوت في حباله كي,,
تذكر يوم اغني لك
قصيدي وانت توحيني,,
تذكر ضحكتي لاقلتلك
يابوي عشقي هي,,
تذكر كم قصيده خافيه
مابينك وبيني,,
تذكر كل شيء كان
واذكر يوم انا حي,,
ولكن اسألك بالله
يابوي لاتبكيني,,
~~تحــــــــيـــــــــاتــــــــــــــــــــي~~لـــــــــــــــــــكــــــــــــــــم’’~~