بسم الله الرحمن الرحيم
صبحكم/مساكم الله بالخير
اليوم جايبه لكم أبيات متنوعه عن ضيقة الصدر:frown:
الله يكفينا جميعاً من الضيقه ويوسع صدورنا بالعافيه:smile:
****
,, واتصبر واقول الصبر عيا يفيد
اجحد اجروح قلبي والدموع كشفت ,, كل مامسح دموعي المدامع تزيد
***
يا ضايق الصدر بالله وسع الخاطر ,, دنياك يازين ما تستاهل الضيقه
الله على ما يفرج كربتك قادر ,, والله له الحكم في دبرة مخاليقه
***
الصدر ضايق والجفن سد عالي ,, يحبس وراه أسرار وأحزان ودموع
أجلس مع أخواني وكنّي لحالي ,, أتصنّع البسمات والقلب موجوع
***
يالايمي غارات الايام قتاله ,, ولو تكثر من اللوم ماعاد يمديني
دخيلك تخلي ضايق الصدر في حاله ,, تراني على حد البكا لاتبكيني
***
لا ضاقت الدنيا عليك وتشاويت ,, خلق الله اللي في الرخا كان واجد
ومن العرب والصوت والثوب مليت ,, وقامت عليك اهموم بقعا تراجد
فارافع يديك لخالقك لا توضيت ,, وادعو تراك اقرب الى صرت ساجد
***
يمر يوم وكل يوم يمر أحس أني حزين ,, أمسي على ضيقة صدر وأصبح على ضيقة صدر
قالوا الفرج عقب الصبر قلت الصبر همٍ دفين ,, قالوا الوفي طبعه وفي قلت الزمن كله غدر
***
ياصدري اللي من الضيقه تقوم وتطيح ,, تكفى اقهر العاذلين بضيقتك وابتسم
عطني طرب غصب عن كف الزمان الشحيح ,, وانا باواعدك واعاهدك واقسم قسم
لعطيك رجلٍ ليا منه وقف ما يزيح ,, لو تقسم صفوف خلق الله ما ينقسم
***
وسلامتكم
في امان الله
الثلاثاء مارس 06, 2012 4:17 pm