ارجوك لاتجرح وانا خافقي علي

طرحت احدى العضوات هذه الابيات ولا اعلم هي لها او منقوله فاعجبتني القافيه
واللحن ورديت عليها

يمكن ليا شفتك نزح همي شوي
ويمكن ليا شفتك جروحي تدارى

والا انت تدري انك النور والفي
وانك يمين ودرب غيرك يسارى



الرد

يا عازف اوتار الهوى عزفكم شي
تطرب له اسماع القلوب الحيارى

ارجوك لا تجرح وانا خافقي عي
انا دخيل الناعسات الحوارى

تعبت في درب الهوى رايح وجي
الهم وايامي بنفس المسارى

الايام تطويني بدوراتها طي
يومي هجير وطال ليل السهارى

اقفت حياتي كلها اطارد المي
اثره سراب ليا لحقته توارى

لي جادل ٍ ماقد نهج منهج الغي
اقفى وانا عيني تهل العبارى

في غيبته لا ني بميت ولا حي
سبب جروح ٍ في خفوقي تبارى

مافيه في حسنه ولا زيه الزي
ضبي ٍ فريد الحسن سيد العذارى

طبعه خجول وصادق العهد وافي
والطيب له في كل موقف شعارى

لو بعتذر عن حبه العذر واهي
وان قلت بنساه المشاعر تمارى

اشتاق له شوق المحابيس للضي
واحن له حن القلوب الفطارا

ترف ٍ على ما راد يامر وينهي
يخطي على قلبي بدون اعتذارى

الي متى بصبر على البعد وارجي ؟
ما عاد لي بالصبر زود اقتدارا

انا ادري ان الحظ طايح ومعمي
ما عمر هذا الحظ جاب انتصارا

ابداع

تسلم اخخوووي الغالي




:lol